BANG  A KOMKAR´ê JI BO ÇALAKÎYA REFERANDUMÊ

Kurdên dilsoz ên li dîyasporayê,

Konfedersyona Revenda Kurdistanî li dîyasporayê di roja 25’ê Îlona 2025’an de, ji bo 8’emîn salvegera referandûma Kurdistana Başûr, li gelek welat û bajaran xwepêşandan û çalakiyan li dar dixe.

Referandûma ku di sala 2017’an de li Başûrê Kurdistanê hatibû lidarxistin, bi biryara Hikûmeta Herema Kurdistanê û hemû aliyên siyasî hatibû girtin û pêk anîbû. Di wê referandûmê de gelê me çû ser sindoqan û ji bo serxwebûna Kurdistanê dengê xwe da. Di dengdanê de gelê Kurd %93 ji bo dewleteke serbixwe deng da. Ev serkeftineke mezin bû. Ev yek her çend îro nebe jî, di pêşerojê de ji bo gelê me belgeyeke dîrokî ye.

Welatparêzên hêja û bi rûmet, Konfedersyona Revenda Kurdistanî li dîyasporayê di roja 25’ê Îlonê de ji bo 8’emîn salvegera referandûma Başûrê Kurdistanê li gelek welat û bajaran xwepêşandan û çalakiyan li dar dixe.

Em bang li endam, hevalbend û dostên KOMKAR’ê dikin ku di van çalakiyan de cih bigirin û em hemû bi hev re ji bo dewleteke serbixwe ya ku mafê gelê Kurd e, têbikoşin.

Werin em bi hev re mil bi mil û dil bi dil, beşdarî çalakiyên referandûmê bibin!

Dem û navnîşana çalakiyan di îlanên jêrîn de hatine nivîsandin.

KOMKAR – Yekîtiya Komeleyên Kurdistanê li Almanyayê