Ji Bona Reya Giştî !

Wek em pê dizanin Hilbijartinên şaredarîyê, di 14´ê Îlonê2025 an de roja Yekşemiyê, li eyaleta  Nordrheîn/Westfalenê tê lidarxistin.

Banga me ji hemû Kurdên dilsoz, li Tevgera Diaspora Kurdistanî ew e ku di vê hilbijartinê de pistgirî bidin hemû Kandîdatên (Namzetên) Kurdên Welatparêz ku di nava  hemû partîyên Almanya de bûne Namzet .

Bi taybetî di hilbijartinên şaredarîya bajarê mezin ê Kolnê de dengê xwe bidin Berîvan Aymaz!

Namzeta Partîya Keskan Berîvan Aymaz, siyasetmedarek jin a Kurd, di nav namzetên şaredarîya Kolnê de ye.

Siyasetmedara Kurd Berîvan Aymaz niha wek cîhgira serokê parlamento ya eyaleta Northrhine-Westfalen kar dike.

Berîvan Aymaz jinek Kurd e ku xwedîyê nasnameyek welatparêz, demokrat û mirovî ye.

Ew di jiyana xwe ya siyasî de kesek xwedî ezmûn û zana ye. Ger bê hilbijartin, ewê xizmetek mezin ji bo bajarê Kolnê bike û xwedîyê kesayetîyekê ye ku bi hemû mirovan re wekhev tevdigere, bêyî ku ew cudayetiyê biyaniyan bike.

• Ji ber vê yekê, em hêvî dikin ku hûn di hilbijartinên şaredarîyê de Kolnê de dengê xwe bidin Berîvan Aymaz.
• Werin em hemû bi hevrê Berîvan Aymaz wek serokê şaredariya Kolnê hilbijêrin!
• Roj roja hevgirtin û hevxebatê ye.
• Dengê xwe bidin Berîvan Aymaz´ê û civaka xwe li ser vê mijarê hişyar bikin.

Revanda Kurdistanî li Almanya